Ang Lihim

Rated PG. Matagal ng naglalaro sa isip ko ito eh. Para maiba lang. Hihihi

 

 

 I am so happy for her. Sa wakas natupad na yung pangarap niyang maging isang Flight Attendant.

 

Haaay Maya, masayang masaya ako para sa iyo.

 

Naalala ko pa yung una naming pagkikita. Alam kong kakaiba  siya. 

 

At ng tumagal na, mas lalo ko siyang nakilala. Siya na yata yung babaeng hinahanap ko. Parang nasa kanya na lahat eh. Mabait. Mapagmahal. Matalino. Maganda.

 

Isang kahanga hangang babae.

 

Mas lalo akong nainlove sa kanya noong nakita ko siya suot yung peach na dress na suot niya dahil meron siyang mock interview sa school niya. Hindi ko tuloy napigilan, napanganga na lang ako. At kung ano ano na yung nasabi ko after. Tsk. Haaay.

 

Sa araw araw na nakikita ko siya mas lalong tumindi ang nararamdaman ko.

 

Hindi ko lang pinapahalata sa kanya dahil ayoko siyang biglain. Gusto kong humanap ng magandang tyempo, pero parang mapagbiro ang tadhana, na hindi ko magawang magtapat sa kanya.

 

At habang tumatagal may napapansin din akong kakaiba. 

 

Sa kilos niya. 

 

Bakit ganoon sila magusap ng lalaking iyon? 

 

Lalo pang lumabo ang sitwasyon ko ng one time na nakita kong magkayakap sila.

 

Nagalit ako, nagselos.

 

Naisip ko tuloy ang titigan nila. Kakaiba ang tinginan nila. Malagkit. May meaning. May pagnanasa. At ang ngitian, sobrang tamis.

 

Nalintikan na. 

 

Ikaw kasi, ang bagal mo. 

 

Kung noong una pa lang sinabi mo na sa kanya baka nagkaroon ka pa ng pag-asa.

 

Pero ano magagawa ko? Sino ba naman ako? Driver lang ako. Walang kalaban laban sa karibal kong amo. At para sa kanya hanggang Kuya Joma lang ako.